Siku lelaki ke diripotka lenyau ditemu selamat di Kampung Brunai - Berita Iban Online

Header Ads

  • Baru Nyadi

    Siku lelaki ke diripotka lenyau ditemu selamat di Kampung Brunai

    PUJI TUHAN: Lelaki baju chelum (mansa) ditemu selamat di Kampung Brunai.

    DALAT: Siku lelaki ke diripotka lenyau ditemu selamat di Kampung Brunai, ditu, sehari tu tadi.

    Lelaki ke lenyau nya (mansa) dikelala ngena nama Nada Sepayu, 48 taun, udah ditemu peranak menua nya enggau bala ke sebilik ti bisi mantu lebuh bejalaika operasyen ngiga enggau nyelamat.

    Pengari Operasyen Bomba Sarawak, madahka sebedau nya Komander Operasyen Ngiga enggau Nyelamat (SAR) bisi nerima ripot bekaul enggau pengelenyau lelaki nya. 

    Ku iya, taja pia, lelaki nya mujur ditemu selamat enda jauh ari perau ke ditinggalka iya. 

    “Lebuh lelaki nya ditemu orang mayuh, iya diripotka nadai bakal ba sebarang alai endur tubuh. Tang, iya dipeda baka orang ke lelak tauka lemi tulang.

    “Lelaki nya diberi ngirup enggau makai sebedau iya dibaie pulai ke rumah,” ku iya lebuh ke dirandau pengarang berita sehari tu tadi.

    Operasyen Ngiga enggau Nyelamat (SAR) diketuka urung jam 2.59 lemai.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads