Header Ads

  • Baru Nyadi

    Siku lelaki kempang ati nyekak bini iya ketegal enggai dibai pulai ke rumah entua

    Gambar pengias.

    LIMBANG: Siku indu napi pemedis telih enggau kembai ba rekung pengudah kena cekak laki iya empu ba sebuah rumah panjai, kena Hari Minggu tu tadi. 

    Penusah nyadi urung jam 11 malam nya, indu nya (mansa), 18 taun, enggau laki iya (saspek), 22 taun belaban jaku enggau dipechayaka enggai alah penemu ari pangan diri.

    Ketuai Polis Pampang Limbang, Superintenden Mohd Bukhori Saffai, madahka asil pansik tumu, seduai iya belayak bepun ari laki iya ti enggai dibaie bini iya (mansa) pulai ke rumah apai indai iya (entua saspek).

    Ku iya, 'saspek' meri jaku renjan ngagai 'mansa' ngejung ke iya berasai enda liat ati enggau maluk mulut laki iya ngena panggal.

     "Pengudah nya 'saspek' mega enggai alah lalu nyekak bini iya enggau seduai iya sama belibat.

    "Berindik ari nya, 'mansa' diripotka bisi abi telih enggau kembai ba rekung pengudah kena cekak laki iya. Kelimpah ari nya, dada 'mansa' kena siku enggau pah iya mega kembai kena kepit kaki laki iya," ku iya lebuh ke dirandau pengarang berita sehari tu tadi.

    "Tang taja pia, 'mansa' baru ngaga ripot polis bekaul enggau penusah ke nyadi urung jam 7.53 malam kemari, (Hari Dua)," ku Mohd Bukhori.

    "Berindik ari ripotka diterima, polis udah mujur nangkap 'saspek' urung jam 11.50 pagi tadi ba sebuah rumah panjai di Medamit, ditu," tandu iya.

    Kes nya dipansik ari baruh 'Seksyen 323 Kanun Keseksaan dan 18A Akta Keganasan Rumahtangga 1994'.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads