Siku lelaki OKU bebadi nyawa, labuh ari puchuk dabai
Cari Berita

Advertisement

Siku lelaki OKU bebadi nyawa, labuh ari puchuk dabai

Chief Editor | Berita Iban MY
February 5, 2019

Gambar pengias.

KAPIT: Siku lelaki OKU (Orang Nyelaie Pendiau) bebadi nyawa pengudah labuh ari puchuk dabai semak Rh Uset, Lubok Engkabang, Sg Seranau, lemai kemari, Hari Satu.

Lelaki nya dikelala ngena nama Nyelang Uset, 41 taun, dipechayaka diupah siku lelaki 67 taun, niki enggau ngumpul buah dabai. 

Ketuai Polis Pampang Kapit, DSP Freddy Bian, madahka lelaki nya "mansa" ditemu benung tegali enggau agi enseput urung jam 2.30 lemai, dipechayaka pengudah labuh ari puchuk kayu dabai nya. 

"Lelaki nya agi idup lebuh ditemu siku lelaki ke bisi kia laban deka ngambi buah dabai urung sejam pengudah "mansa" niki enggau ngumpul buah dabai ba palan penusah ke nyadi," ku iya lebuh ke dirandau pengarang berita, lemai kemari.

"Mansa' dibaie ke Sepital Kapit ngena perau. Lebuh datai ba Wharf Kubu Kapit, Lutor ke bisi nganti penatai iya madahka "mansa" udah enda ulih diselamatka agi.

Pengawa buntas tasat dipejalaika sehari tu ngambika ulih nemu kebuah 'mansa' parai. 

Naka kediatu,  kes nya ditukuka nyadi parai ngenyit.