Siku nembiak lelaki dipelabaka lemas, perau karam di Sungai Kanowit - Berita Iban Online | Laman Web Berita Kitai

Header Ads

  • Baru Nyadi

    Siku nembiak lelaki dipelabaka lemas, perau karam di Sungai Kanowit

    KASIH AMAI: Siku nembiak lelaki (chura biru segala) dipelabaka lemas pengudah perau ke ditepan iya karam di Sungai Kanowit.

    KANOWIT: Siku nembiak lelaki dipelabaka lemas pengudah perau ke ditepan iya enggau empat iku agi ke sama nepan perau nya, karam di Sungai Kanowit, sehari tu tadi.

    Nembiak lelaki nya dikelala ngena nama Carlos Taei, 15 taun.

    Nitihka penerang, Carlos mega siku ari pelajar Kadet Bomba SMK Kanowit. Iya mega kala enggau "Pertandingan Perkhemahan Kadet Bomba Peringkat Zon 4" di Sarikei Baru, apin lama ke udah.

    Enam iku raban Bomba ari Balai Bomba enggau Penyelamat (BBP) Kanowit berumban ngesah ke palan penusah ke nyadi pengudah nerima ripot ari Opis Polis Pampang (IPD) Kanowit urung 1.37 tengah hari tadi.

    Raban SAR benung bejalaika operasyen ba palan penusah ke nyadi.

    Naka berita tu ke ditulis, raban bomba agi benung bejalaika Operasyen Ngiga enggau Nyelamat (SAR).

    Berita tu deka ditandu kami baru nganti udah bulih penerang ti silik Opis Operasyen Ngiga enggau Nyelamat (SAR).

    Nangkan ke nya, kami ari raban Berita Iban Online (BIO) deka mai semua bala pemacha besampi Carlos, ngambika iya ulih ditemu enggau naka pengelengkas. Tuhan merekat semua. đŸ˜‡

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads