Siku orang tuai ke diripotka lenyau di Rumah Buda Meriok Nanga Engkelili, apin temu nyentukka sehari tu
Cari Berita

Advertisement

Siku orang tuai ke diripotka lenyau di Rumah Buda Meriok Nanga Engkelili, apin temu nyentukka sehari tu

Staf @beritaibanMY
February 17, 2019

KASIH AMAI: Orang tuai (mansa) ke diripotka lenyau.

KUCHING: Operasyen Ngiga enggau Nyelamat (SAR) siku orang tuai (warga emas) ke diripotka lenyau kena 9 Februari ba dalam kampung semak Rumah Buda Meriok Nanga Engkelili, Sri Aman, diketuka dulu laban nganti udah bulih tanda tauka bekau baru.

Penolong Direktor Operasyen Tiong Ling Hii, madahka operasyen diketuka dulu laban apin tanda orang tuai nya.

"Operasyen SAR diketuka dulu nyentuk ke raban kami udah bisi tetemuka bekau tauka tanda baru" ku iya lebuh ke dirandau pengarang berita sehari tu tadi.

Kena 9 Februari, Langkau Belun (mansa), 85 taun, diripotka lenyau pengudah pansut ari rumah, pagi hari ke sama.

Iya (mansa) nadai pulai ke rumah nyentuk ke hari nyau malam pengudah iya pansut ari rumah, urung jam 11 pagi ba hari ke sama.

Berindik ari nya, pengudah anak iya nemu apai iya nadai pulai ke rumah. Anak iya lalu ngaga ripot ngagai Balai Polis Engkilili sebedau betalipaun ngagai Balai Bomba enggau Penyelamat (BBP) Sri Aman ngambika ulih bejalaika operasyen Ngiga enggau Nyelamat (SAR).

Berindik ari ripotka diterima, seraban bomba berumban ngesah ke palan penusah ke nyadi enggau bejalaika Operasyen Ngiga enggau Nyelamat (SAR).

Tang taja pia, nyentuk ke sehari tu, iya (mansa) lalu nadai ninggalka bekau tauka tanda.

Lebuh bejalaika operasyen nya, raban SAR mega ngiga iya bisi nguji ngiga iya (mansa) ngena chara ukoi K9 enggau chara  paranormal tang nadai mega tetemuka bekau tauka tanda.

Kami ari raban Berita Iban Online (BIO), mai semua bala pemacha besampi ngabika Tuhan ngemataka pengelikun Langkai Belun lebuh iya ba tanah kediri enggau ngarapka iya ulih ditemu enggau naka pengelengkas. Tuhan merekat semua kita. 😇