Header Ads

  • Baru Nyadi

    Siku pelajar lelaki parai, kena jamah 19 iku pelajar ke sama sekula


    KASIH AMAI: Pelajar nya (mansa) enda ngeleda pengelama seminggu enggau diripotka ngapuska seput kepenudi ba sepital.

    INDONESIA: Siku pelajar lelaki parai pengudah kena jamah 19 iku pelajar ke sama diau ba buding sekula.

    Nitihka penerang ke diterima Berita Iban Online (BIO), penusah nya nyadi ba buding sekula di Padang Panjang, Sumatera Barat. 

    Polis mujur tetemuka perengka baka batang penyapu ti udah patah enggau kasut ke dipechayaka kena sida iya nyamah tauka ngemediska 'mansa'. 

    Ku penerang, 19 pelajar nya (saspek) nyamah 'mansa' laban iya udah enchuri perengka ke diempu siku ari 'saspek'.


    'Mansa' dijamah pengelama tiga hari bepun Hari Empat, 7 Februari nyentuk ke Hari Enam, 10 Februari. 

    "19 pelajar nya ngetu nyamah 'mansa' kena Hari Enam, 10 Februari, pengudah meda 'mansa' nya nyau baka orang ke enda bepengerai.

    Nangkan ke nya, 'mansa' dianjung ke sepital ke semak.

    Lebuh ke diperubatka ba sepital, iya (mansa) diripotka 'kritikal' enggau enda ngeleda 'koma' pengelama seminggu. Lutor madahka iya enda ulih diselamatka agi kena Hari Satu, 18 Februari. 

    Bangkai 'mansa' dibuntas tasat pengelama lima jam kena nemu kebuah pemarai iya enggau iya dikuburka orang mayuh ba hari ke sama.

    Naka kediatu, raban polis agi mansik kes nya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads