Header Ads

  • Baru Nyadi

    Siku pelajar pom empat bebadi nyawa, eksiden kediri di Jalai Sultan Tengah

    KASIH AMAI: Raban perubat ari Sepital Besai Sarawak madahka pelajar nya udah ngapus ke seput ke penudi ba palan eksiden ke nyadi.

    KUCHING: Siku pelajar pom empat bebadi nyawa pengudah eksiden kediri di Jalai Sultan Tengah, urung jam 5.25 tumu pagi tadi.

    Pelajar nya dikelala ngena nama Mohamad Nur Isyaduddin Ibrahim, lelaki, 16 taun enggau penatai ari Jalai Astana, Petra Jaya.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka bisi nerima ripot bekaul enggau penusah eksiden nya.

    “Pelajar (mansa) benung ngena motosikal ari jalai Sultan Tengah nuju ke Semariang dipechayaka tepawah enggau ngelantak tiang api.

    “Raban Perubat ari Sepital Besai Sarawak (HUS) ke bisi datai ba palan eksiden ke nyadi madahka pelajar nya ngapus ke seput ke penudi ba palan penusah ke nyadi ketegal balat bakal,” ku iya lebuh ke dirandau pengarang berita, sehari tu tadi.

    Bangkai tauka tubuh "mansa" dianjung ke Sepital Besai Sarawak laban deka bejalaika pengawa buntas tasat.

    Kes nya dipansik ari baruh "Seksyen 41 (1) Akta Pengangkutan Jalan (APJ) 1987".

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads