Siku staf Opis Pengangkut Jalai Alun (JPJ) bebadi nyawa, eksiden di KM 8, Jalai Kota Samarahan-Asajaya - Berita Iban Online

Header Ads

  • Baru Nyadi

    Siku staf Opis Pengangkut Jalai Alun (JPJ) bebadi nyawa, eksiden di KM 8, Jalai Kota Samarahan-Asajaya

    KASIH AMAI: Pendiau ba palan eksiden ke nyadi.

    KOTA SAMARAHAN: Siku staf Opis Pengangkut Jalai Alun (JPJ) bebadi nyawa pengudah kerita ke ditepan iya eksiden di KM 8, Jalai Kota Samarahan-Asajaya, ditu, sehari tu tadi.

    Eksiden nyadi urung jam 7.50 pagi nya, Staf Opis JPJ (mansa), Saini Amit, 31 taun, penatai ari Kampung Lot Baru, Sebuyau diripotka ngapuska seput kepenudi lebuh diperubatka ba wad 'emergency' di Sepital Jantung, Kota Samarahan.

    Iya (mansa) diripotka ngapuska seput kepenudi urung jam 9.30 pagi.

    Ketuai Opis Tasat enggau Penguasa Trafik Sarawak, Supt Alexson Naga Chabu, madah asil pansik tumu, sebuah kerita Perodua Alza belantak enggau Toyota Hilux.

    Ku iya, eksiden nyadi dipechayaka bepun ari kerita Perodua Alza ke ditepan "mansa" enda mukai-mukai enda ulih dijagalalu tama ke jalai ngelaban arus sebedau belantak enggau sebuah Toyota Hilux ba jalai ke sama.

    “Berindik ari eksiden nya, "mansa" diripotka balat bakal enggau dianjung ke sepital ngambika ulih diperubatka enggau silik agi. 

    “Tang taja pia, deriba Toyota Hilux, 62 taun, diripotka semina bakal mimit aja enggau diperubatka enggau silik agi ba sepital,” ku iya lebuh ke dirandau pengarang berita seharit u tadi.

    Alexson ngelansa, bangkai tauka tubuh "mansa" pengudah nya dianjung ke rumah bangkai ngambika ulih bejalaika pengawa buntas tasat. 

    “Kes nya dipansik ari baruh "Seksyen 41 (1) Akta Pengangkutan Jalan 1987,"” tandu iya. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads