TEBARU: Lelaki ke parai begitang ba tisi kapal diripot tusut runding
Cari Berita

Advertisement

TEBARU: Lelaki ke parai begitang ba tisi kapal diripot tusut runding

Chief Editor | Berita Iban MY
February 19, 2019

Bangkai lelaki nya (mansa) disuaka Unit Forensik Sepital Kemaman ngambika ulih bejalaika pengawa silik agi.

TERENGGANU: KRU kapal ke ditemu parai begitang ba tisi kapal bekal luar pesisir dekat Pelabuhan Kemaman, Chukai, kemari, diripotka tusut runding 'stress' enggau baru udah kereja tiga hari ba kapal nya.

Lebuh penusah nya, Glenn Druce (mansa), 38 taun, peranak menua Sarawak ditemu bakih ke sama kereja enggau iya begitang ba tisi kapal nya dipechayaka munuh diri, urung jam 1.30 tengah hari.

Penusah nya tebantai pengudah kapal nya baru mudik urung penyauh dua batu nautika ari 'Pengkalan Bekalan Kemaman'.

Ku Penerang, sebedau penusah nyadi, lelaki nya sempat enggau baum bekaul enggau pekara kereja enggau ba kru ke sama kereja ba kapal nya.

Ku iya, lelaki nya sempat makai tengah hari serumpu enggau kru ke sama gawa dia pengudah tembu pengawa aum sebedau pansut ke 'dek' kapal.

“Taja pia, pengudah 30 minit, siku kru meda lelaki nya ke begari 'uniform' begitang ba tisi kapal sebedau ngeripot ngagai kapten kapal.

“Kapten kapal nya ngeripot penusah nya ngagai bala pemesai sebedau iya ngaga ripot ngagai polis, urung jam 2.29 lemai,” ku iya.

Nitihka penerang, lebuh penusah nyadi, lelaki nya (mansa) dipechayaka melitka tali ba rekung sebedau muai diri tauka terejun urung peninggi 10 meter ari kapal nya.

Rekung lelaki nyadi diripotka nyau ka putus ketegal 'impak' iya muai diri. 

Bangkai lelaki nya mujur dibaie katas kapal nya urung 6 lemai sebedau disuaka Unit Forensik Sepital Kemaman ngambika ulih bejalaika pengawa silik agi.

Nangkan ke nya, Ketuai Polis Pampang Kemaman, Superintendan Mohd Said Ibrahim, madahka nadai bekau jamah tauka jenayah ba palan penusah ke nyadi.

Ku iya, naka kediatu, kes nya ditukuka nyadi parai ngenyit.

Sebedau nya, gambar mandangka senayau orang ngena 'uniform' chura oren begitang ba tisi kapal chapuh 'viral' bepun ari lemai kemari. Tau dibacha nuan ditu: VIRAL: Siku lelaki ditemu parai begitang ba tisi kapal di 'Pelabuhan Kemaman'