VIRAL: Siku lelaki ditan polis, ngemulaka orang bekait enggau pengawa puang di Kemboja
Cari Berita

Advertisement

VIRAL: Siku lelaki ditan polis, ngemulaka orang bekait enggau pengawa puang di Kemboja

Chief Editor | Berita Iban MY
February 24, 2019

SEPI ASAI NUAN: lelaki nya (saspek) mujur ditangkap raban polis lemai kemari.

KUCHING: Siku lelaki ke dipechayaka bekait enggau pengawa puang gawa di Kemboja enggau ngemula 47 peranak menua Malaysia, ditan polis pengelama empat hari, bepun ari sehari tu.

Peminta deka ngetan tauka ngeriman lelaki nya (saspek) udah dikemendarka Kort Kuching, Dora Undau, urung jam 10 pagi bepun ari sehari tu, 24 Februari nyentuk ke 28 Februari 2018. 

Lelaki nya (saspek), peranak menua asal, 35 taun, ke dipechayaka bekait enggau pekara tauka kes ngemulaka orang nya mujur ditangkap raban polis urung jam 3 lemai kemari. 

Ketuai Opis Tasat Jenayah Komersil Sarawak, Supt Mustafa Kamal Gani Abdullah, madahka 'saspek' nya udah mujur ditangkap enggau kes nya agi dipansik.

Naka kediatu, urung penyampau 23 iku orang ti udah ngaga ripot bekait enggau kes nya. 

Kena Februari 17, urung penyampau 40 iku peranak menua Sarawak ditan ba jil Kemboja ketegal dipechayaka bekait enggau pengawa judi. Tang taja pia, sida iya diripotka selamat enggau udah pulai ke Sarawak.