VIRAL: Siku lelaki ditemu parai begitang ba tisi kapal di 'Pelabuhan Kemaman' - Berita Iban Online | Laman Web Berita Kitai

Header Ads

  • Baru Nyadi

    VIRAL: Siku lelaki ditemu parai begitang ba tisi kapal di 'Pelabuhan Kemaman'

    KASIH AMAI: Gambar mandangka baka senayau orang ti ngena 'uniform' chura oren ti benung begitang ba tisi kapal nya udah belabuh chapuh 'viral' ba sosial media bepun ari lemai tadi. đŸ“¸ #Pemacha

    KEMAMAN: Siku lelaki dipechayaka kru kapal bekal luar pesisir (offshore supply vessel) ditemu benung begitang ba tisi kapal di 'Pelabuhan Kemaman', Kemaman, lemai tadi.

    Penusah nya tebantai pengudah kapten kapal nya tepedaka baka mensia ngena 'uniform' chura oren benung begitang ba tisi kapal nya.

    Penerang madah, kapten kapal nya pengudah nya ngeripot penusah ke nyadi ngagai pemesai sekuriti ba 'Pelabuhan Kemaman', urung jam 2.45 lemai, ngena perengka komunikasyen frekuensi tinggi (VHF).

    Ku iya, berindik ari ripotka diterima, pemesai sekuriti, 34 taun, ti benung 'duty' maya nya lalu ngaga ripot ke Balai Polis Kemaman ngambika sida iya ulih bejalaika pengawa silik agi.

    “Lebuh penusah nyadi, kapal nya benung palan nurunka sauh (anchorage area) urung penyauh 2.5 batu nautika ari Kemaman,” ku iya lebuh ke dirandau pengarang berita sehari tu tadi.

    Gambar mandangka baka senayau orang ti ngena 'uniform' chura oren ti benung begitang ba tisi kapal nya udah belabuh chapuh 'viral' ba sosial media bepun ari lemai tadi.

    Nangkan ke nya, Ketuai Polis Pampang Kemaman, Superintendan Mohd Said Ibrahim, madahka bisi nerima ripot bekaul enggau penusah ke nyadi. Naka kediatu, kes nya agi benung dipansik raban polis.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads