Header Ads

  • Baru Nyadi

    Siku indu kempang ati ngachuk utai pemalu 'ambai lalai' laki iya

    BA PALAN PENUSAH KE NYADI: Mansa ngenatka pemedis pengudah diachuk saspek ngena pisu.

    SIBU: Ketegal cemburu.. Siku indu ti kereja ba pak kupi, mantupka pemedis ati iya enggau ngachuk utai pemalu 'ambai lalai' laki iya ngena pisu ba sebuah rumah suwa di Jalai Lajong, kemari.

    Ketuai Polis Pampang Sibu, ACP Stanley Jonathan Ringgit, madahka mansa, 34 taun, balat bedarah ba utai pemalu iya pengudah kena achuk saspek ngena pisu netak sayur ba dalam bilik tinduk urung jam 9 malam.

    Ku iya, penusah nya nyadi pengudah saspek, 46 taun, nemu ulah laki iya, 28 taun, siku kelindan lori dipechayaka gila enggau indu bukai. 

    "Kebuah penusah nya nyadi bepun ari saspek ti enda tan ati enggau cemburu pengudah laki iya mai mansa (ambai lalai) iya datai ke bilik suwa seduai iya," ku iya lebuh ke dirandau pengarang berita, sehari tu tadi.

    ku iya, pengudah nerima ripot bekaul enggau penusah ke nyadi, seraban polis berumban ngesah ke palan penusah ke nyadi.

    Lebuh datai ba palan penusah ke nyadi, raban polis madahka mansa benung ngenatka pemedis enggau gali ba tikai ti meachir-achir penuh darah. 

    Ku Stanley, sebedau penusah nyadi saspek pura-pura ngemendarka laki iya mai ambai lalai laki (mansa) iya pulai ke rumah laban deka berandauka pekara sida tiga nya ngena chara ti manah.

    Ku iya, panjuk ti ditan bini iya (saspek) nyintak pengudah ambai lalai laki iya nya datai ke rumah enggau lebuh sida tiga berandau laki iya bisi ngirup bia enggau arak.

    "Sida tiga pengudah nya sama sepenemu deka ngaga 'threesome' (sama begulai beleman) ba dalam bilik ti semina terang ketegal kena panchar televisyen aja," ku iya.

    "Maya nya mega, saspek madahka laki iya deka pansut enda lama laban deka kemi.

    Ku iya, laki iya nya mega beleman enggau mansa tang saspek ngetu laban enda nyamai ati enggau gali ba atas tilam sepiak mansa sereta malik ke dinding laban deka tinduk.

    "Enda mukai-mukai, pengudah nya mansa nyerauh enggau madahka laki saspek iya udah kena achuk ngena pisu. Nangkan ke nya, saspek lalu pansut ari bilik nya enggau ngelarika diri," ku iya.

    Ku iya, laki saspek pengudah nya pansut keluar enggau mai menyadi lelaki iya (abang) ti benung ba dapur ngagai enggau nangkap saspek

    Saspek mujur ditangkap enda jauh ari rumah suwa nya enggau dibaie pulai baru serayaka nganti polis datai urung jam 9.30 malam tadi.

    Ku Stanley, polis mega udah ngerampas pisu ba palan penusah ke nyadi. 

    Saspek enggau laki iya pengudah nya dibaie ke Balai Polis Sentral kena bejalaika pengawa nasat.

    Asil pansik tumu, saspek semina nikah tauka beterang ngena adat iban enggau nadai dokumen ti sah.

    "Seduai iya (saspek enggau laki iya) udah begulai pengelama tujuh tahun enggau nadai anak, tang mansa udah bisi laki ti kereja di kem balak di Kepulauan Solomon enggau udah bisi empat iku anak," tandu iya.

    Nitihka penerang, mansa diatu benung diperubatka ba sepital enggau diripotka udah beinsur manah.

    Kes tu agi dipansik ari baruh Seksyen 326 Kanun Keseksaan.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads