Ambulans kena lantak lori, siku orang tuai ti sakit bebadi nyawa
Cari Berita

Advertisement

Ambulans kena lantak lori, siku orang tuai ti sakit bebadi nyawa

Staf @beritaibanMY
March 12, 2019

KASIH AMAT: Ambulans ti kena lantak lori pagi kemari.

KUCHING: Siku lelaki orang tuai enda sempat diselamat pengudah ambulans ti nganjung iya ke Sepital Serian, eksiden ba sebuah stesyen minyak di Batu 18 Jalai Kuching-Serian, pagi kemari (Hari Satu).

Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka lelaki nya (mansa) dikelala ngena nama, Lai Kim, 66 taun, orang asal Batu 17 Jalan Kuching-Serian, udah diperubat di Klinik Perintah Siburan sebedau iya dipindah ke Sepital Serian laban deka diperubatka enggau silik agi urung jam 9.30 pagi.

Ku Alexson, tang taja pia,  ambulans ke mai lelaki nya (mansa) kena lantak sebuah lori enggau ngejung ke sida iya nganti sebuah agi ambulans laban deka nganjung lelaki nya.

“Sebedau eksiden nyadi, van ambulans ke ditepan lelaki nya benung ngisi minyak stesyen minyak. Enda lama pengudah nya, datai sebuah lori ti deka tama ke stesyen minyak nya sereta enda mukai-mukai ngelantak ambulans nya enggau ngejung ke pintu ambulans nya rusak.


“Lelaki (mansa) ke ba dalam ambulans nya diripotka ngapuska seput kepenudi ba palan eksiden ke nyadi lebuh nganti sebuah agi ambulans ti dikena nganjung iya ke Sepital Serian,” ku iya lebuh ke dirandau pengarang berita, seharitu tadi.

Ku iya, bangkai lelaki nya udah dianjung ke Sepital Perintah Sarawak (HUS) kena bejalaika pengawa buntas tasat.

"Taja pia, deriba ambulans enggau lori nya diripotka nadai nenama enggau gaya hari maya nya manah," ku Alexson.

Kes nya agi dipansik ari baruh "Seksyen 43(1)(A) Akta Pengangkutan Jalan 1987".