Bangkai siku anak mit baru ada ditemu semak pun rembai
Cari Berita

Advertisement

Bangkai siku anak mit baru ada ditemu semak pun rembai

Chief Editor | Berita Iban MY
March 1, 2019

KASIH AMAT: Bangkai anak mit ke baru ada nya ditemu ba Kampung Banggul Kapas, di Marang.

MARANG: Bangkai siku anak mit baru ada ditemu ba tiang karan semak pun rembai di Kampung Banggol Kapas, Marang, sehari tu tadi.

Bangkai anak mit ke udah bisi ulat nya ditemu siku indu (saksi) urung jam 3 lemai tadi, pengudah iya mansak enggau ensium bau but ba palan penusah ke nyadi.

Noor Azura Husim (saksi), 34 taun, madahka iya bisi tepedaka kantung keretas enggau ensium bau but lebuh iya, anak iya enggau anak menyadi iya benung bejalai deka ngulu pengerami nikah.

“Laban ati keran deka nemu nama utai ba dalam kantung nya, aku (saksi) ngasuh anak indu aku meresa kantung nya sebedau iya (anak saksi) madahka bisi serambal kain batik ba dalam kantung keretas nya.

“Tang taja pia, anak aku enda berani muka kain nya enggau minta anak menyadi iya meda nama utai ke bisi ba dalam nya. Kami sebuat tekenyit pengudah meda bisi darah ba kain nya.

“Kelimpah ari nya, aku pan bisi tepedaka kulit pala anak mit ba dalam kain nya sebedau aku nesau orang mayuh bekaul enggau penusah ke nyadi,” ku iya lebuh ke dirandau pengarang berita, sehari tu tadi.

Noor Azura ngelansa, aku udah meda kantung keretas ba dia kena Hari Tiga tu tadi tang aku enda nyangka dalam kantung nya bisi anak mit baru ada. 

“Enti nyema aku nemu tumu, sigi tekala nya aku nesau bala genturung pendiau enggau opis ke megai tanggungpengawa,” ku iya.

Nangkan ke nya, Ketuai Polis Pampang Marang, Deputi Superintendan Mohd Suhaimi Ali, lebuh ke dirandau pengarang berita, madahka bisi nerima ripot bekaul enggau penusah ke nyadi.

Taja pia, ku iya, penempa anak mit nya apin temu enggau bangkai iya udah dianjung ke Unit Forensik Sepital Sultanah Nur Zahirah (HSNZ) Kuala Terengganu kena bejalaika pengawa buntas tasat.