Header Ads

  • Baru Nyadi

    Bebadi nyawa, ngelantak kayu ba tisi jalai di Jalai Abang Galau

    KASIH AMAT: Mansa (dilabung ngena kain burak) diripotka bebadi nyawa ba palan eksiden ke nyadi.

    BINTULU
    : Siku lelaki bebadi nyawa pengudah motosikal ke ditepan ngelantak sebatang kayu di Jalai Abang Galau urung jam 10 pagi tadi.



    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka lelaki ke bebadi nyawa (mansa) dikelala ngena nama Irwan Hamdan, 41 taun, orang asal Kampung Sebuan Besai.
    "Asil pansik tumu, eksiden nyadi bepun ari motosikal ke ditepan iya enda ulih dijaga lebuh iya nengah jalai betiku, sebedau iya ngelantak sebatang kayu ba tisi nya," ku iya.
    Berindik ari nya, mansa diripotka tepelanting urung penyauh nyauka datai semeter ari motosikal ke ditepan iya nya.
    Bangkai mansa dianjung ke Sepital Bintulu kena bejalaika pengawa buntas tasat.
    Kes nya dipansik ari baruh "Seksyen 41(1) Akta Pengangkutan Jalan 1987".

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads