Dua bakal, siku lelaki bebadi nyawa, eksiden di Jalai Engkilili - Sri Aman - Berita Iban Online | Laman Web Berita Kitai

Header Ads

  • Baru Nyadi

    Dua bakal, siku lelaki bebadi nyawa, eksiden di Jalai Engkilili - Sri Aman

    KASIH AMAT: Ruddyson (gambar mit) diripotka bebadi nyawa ba palan eksiden ke nyadi ketegal balat bakal ba pala.

    KUCHING: Dua bakal enggau siku lelaki bebadi nyawa pengudah eksiden di Kilometer 3, Jalai Engkilili-Sri Aman, urung jam 12.10 tumu pagi tadi.

    Lelaki nya (mansa) dikelala ngena nama Ruddyson Budit, orang asal ari Rumah Budit Nangga Beretik, Lubok Antu, 26 taun, diripotka ngapuska seput kepenudi lebuh iya diperubatka ba Wad Emergency di Sepital Sri Aman.

    Ketuai Opis Tasat enggau Penguasa Trafik (JSPT) Sarawak, Superintenden Alexson Naga Chabu, madah sebedau eksiden nya, lelaki nya numpang sebuah kerita ari Engkilili nuju ke Sri Aman.

    “Lebuh datai ba palan eksiden ke nyadi, kerita ke ditepan iya (mansa) tepawah sereta tama ke jalai ngelaban arus lalu ngejung ke iya ngelantak sebuah kerita ke ngena jalai sama.

    “Berindik ari eksiden nya, deriba kerita enggau iya (mansa) diripotka balat bakal enggau dianjung peresa ke Klinik Perintah Engkilili sebedau diberubat silik di Sepital Sri Aman.

    “Tang taja pia, lelaki nya (mansa) enda ulih diselamatka agi ketegal balat bakal ba pala,” ku iya lebuh ke dirandau pengarang berita, sehari tu tadi.

    Nangkan ke nya, deriba kerita ke endur 'mansa' nepan nya diatu agi diperubatka ba Sepital Sri Aman enggau deriba kerita diripotka semina bakal mimit aja.

    Kes nya dipansik ari baruh "Seksyen 41(1) Akta Pengangkutan Jalan 1987".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads