Header Ads

  • Baru Nyadi

    Ketegal penyayau enggau pengerindu, sanggup meri gambar telanjai

    NESAL DUDI NADAI RETI: Indu nya (mansa) pengudah ngaga ripot ba opis MCA.

    IPOH: Ketegal penyayau enggau pengerindu... Siku indu beumur 20 taun sanggup meri gambar telanjai iya ngagai siku lelaki (sulu ati).

    Tang ulah ke digaga indu nya nyau ngenusah sereta ngemaluka iya empu pengudah gambar ke diberi iya asuh lelalki nya dipansutka ba media sosial enggau iya (mansa) nyentuk kediatu agi diemba lelaki nya nganjung gambar telanjai ke baru.

    Pengudah nemu gambar iya nya 'viral' empat taun ke udah lalu, indu nya semina deka dikelala ngena nama Miss Anne, mutus ati badu lelaki nya ti sama sekula beserara.

    "Taja pia, utai ke enda disadang iya nyadi, bakih Ex-sulu iya ke bisi naruh gambar telanjai iya mega ngemba enggau minta iya meri mayuh agi gambar telanjai.

    Ku iya, iya meri gambar nya ngagai Ex-sulu lebuh seduai iya besulu ba taun 2014 ngena aplikasyen WeChat engga enda nyangka gambar nya dikunsi enggau bala bakih iya kebukai.

    “Kena 2015, aku bisi nerima mesej WeChat ari siku lelaki madahka bisi koleksyen gambar telanjai aku enggau gambar nya sebaka ke diberi aku ngagai sulu. Nangkan ke nya, aku mai iya beserara.

    “Ukai naka nya aja, aku dikachau siku lelaki ke dipechayaka bakih Ex-Sulu ke ngasuh aku meri iya gambar telanjai. Aku pan nitih utai ke dipadahka iya laban takut kena emba.

    “Nyau ka lapan bulan aku meri gambar telanjai ngagai iya. Aku tegepang ati pengudah nemu gambar ke diberi aku ngagai iya viral ba sosial media sebedau aku ngaga ripot polis kena 4 Januari 2017,” ku iya kebuh ke dirandau 'Biro Pengaduan dan Perkhidmatan Awam MCA' pun bulan tu tadi.

    Tang Hari Lima tu tadi, bisi siku lelaki bukai mega ngemba iya enggau deka nyadung gambar telanjai nya.

    “Aku kereja di Singapore enggau pulai kemisi laban deka ngaga siti agi ripot polis pengudah diemba lelaki kedua nya. Lelaki nya meri aku timpoh 24 jam kena nyaut mesej nya enti enda iya disaut iya deka nyadung gambar nya.

    “Nyentu kediatu, aku nadai nyaut mesej lelaki ke enda dikelala nya. Aku enda nemu nama utai ke deka iya enggau lelaki nya nadai madah deka minta mata ringgit ari aku,” tandu iya.

    Nangkan ke nya, Ketuai 'Biro Pengaduan dan Perkhidmatan Awam MCA Perak', Low Guo Nan, madahka iya ngarapka raban opis ti bekuasa ulih ngemutarka penusah tu enggau naka pengelengkas enggau nasat saspek ke ngemba mansa nya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads