Maluk bakih ngena besi, masuk pengarap bukai
Cari Berita

Advertisement

Maluk bakih ngena besi, masuk pengarap bukai

Frankie John™
March 29, 2019

Gambar pengias.
Gambar pengias.

KULIM: ketegal enda puas ati bakih masuk pengarap Islam, dua lelaki maluk mansa ngena besi ba tisi jalai di Taman Kobis, Paya Besar, di Kulim, kemari.

Lebuh penusah nyadi urung jam 4.20 lemai nya, mansa, gawa nyadi sekuriti, 34 taun, benung nepan motosikal sebedau siku lelaki (saspek), 43 taun, nganggauka iya enggau mansang semak saspek.

Sapit Ketuai Polis Daerah Kulim, Deputi Superintendan Safuan Md Noor, madahka saspek bisi nanya mansa, amat tauka enda iya udah nganti pengarap sebedau mansa ngaku diri udah masuk pengarap Islam.


Ku iya, pengudah nya abang saspek datai ari belakang enggau negu berang mansa, sebedau saspek ngambi besi ari sebuah kedai ti semak enggau maluk mansa.

“Pengudah maluk mansa seduai iya (saspek) lalu ngelarika diri. Mansa diatu benung diperubatka ba sepital Kulim, diripotka kembai ba pala, lengan kiba enggau betis kiba.

“Ketegal irauka pengelikun diri, mansa pengudah nya ngaga ripot di Balai Polis Kulim Hi Tech ngambi raban polis ulih ngemutarka penusah ke ditapi iya,” ku iya lebuh ke dirandau pengarang berita, sehari tu tadi 

Ku Safuan, berindik ari ripotka diterima, polis mujur nangkap saspek urung jam 3 lemai kemari ba sebuah stesyen minyak di Taman Kobis, Lunas, ditu.

“Asil pansik tumu, saspek ngaku diri maluk mansa ketegal enda puas pengudah bakih iya nganti pengarap.

“Asil pansik silik, saspek bisi rikod jenayah bekaul kes dadah, nyamah orang enggau nyerungkai,” ku iya.

Kes nya dipansik ari baruh Seksyen 324 Kanun Keseksaan.