Header Ads

  • Baru Nyadi

    Masung indu janda ba rumah panjai, 2 lelaki ditangkap polis

    SEPI ASAI: Dua saspek (tengah) dipechayaka masung siku indu janda biak mujur ditangkap polis ba sebuah rumah panjai

    MIRI: Dua iku saspek ke dipechayaka masung siku indu janda ti beumur 17 taun ba sebuah rumah panjai di Sungai Teniku, udah mujur ditangkap polis, lemai kemari.

    Saspek ti beumur urung 40 taun enggau 50 taun nya ditangkap raban polis Opis Pemansik Penyalah (CID) Miri urung 12 tengahari ba sebuah rumah panjai.

    Siku ari saspek kereja kediri empu, lalu siku agi nyadi pekebun. Seduai iya ditan bekaul enggau kes pasung ke diripot nyadi kena 5 March tu tadi ke nuntung siku janda biak.

    Ensana, Ketuai Polis Pelilih Miri ACP Lim Meng Seah, madahka raban polis  bisi nerima ripot ari (mansa) bekaul enggau penusah ke nyadi kena 5 March ke udah ba rumah panjai di Sungai Teniku  enggau sida iya agi mansik kes nya.

    Ku Lim, penusah nyadi lebuh iya benung tinduk enggau enda mukai-mukai siku saspek datai lalu nindukka diri ngerimbai iya (mansa) sebedau saspek masung mansa.

    Urung sejam pengudah nya, siku lelaki (saspek kedua) mega bisi datai kia enggau masung indu nya (mansa).

    Kes dipansik ari baruh Seksyen 376 Kanun Keseksaan.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads