Meruti perut baya, dipechayaka tetemuka 'rangka' tulang mensia
Cari Berita

Advertisement

Meruti perut baya, dipechayaka tetemuka 'rangka' tulang mensia

Staf @beritaibanMY
March 18, 2019

Manang benung meruti perut baya enggau tulang ke ditemu ba dalam perut nya dipechayaka tulang mensia.

BINTANGOR: Operasyen Ngiga enggau Nyelamat (SAR) siku lelaki ke diripotka lenyau, nurun birak ba tebing sungai seminggu ti udah lalu tebantai pengudah tetemuka siku baya sungai di Ladang Sawit Zumida, kemari.

Baya pemanjai 4.2 meter nya mujur ditangkap siku manang baya nya mega enggau besaup mantu raban SAR.

Pengari Operasyen Bomba Sarawak, madahka baya nya udah parai lebuh ke ditangkap manang nya.

Ku iya, pemerat tubuh baya nya lebih 100 kilogram, mujur ditangkap urung penyauh 3 nyentuk 5 kilometer ari ladang kelapa sawit nya.

“Sida iya bisi tetemuka tulang dipechayaka 'rangka' mensia ba dalam perut buaya nya pengudah perut baya nya diperuti.

“Tang taja pia, tulang ke ditemu nya apin nyenggala tulang mensia tauka jelu,” ku iya lebuh ke dirandau pengarang berita, kemari.

Pengari ke sama ngelansa, nangkan ke nya, operasyen SAR diketuka urung jam 4 lemai ba hari kelapan nya.