Header Ads

  • Baru Nyadi

    KEMPANG AMAT ATI: Nanchang anak mit beumur 2 taun ba kerita asur anak mit, sebedau ngejuka iya ke tasik

    KASIH AMAT: Anak mit (gambar mit) dipechayaka ditanchang apai iya (saspek) ba kerita asur anak, sebedau anak mit nya dijuka apai iya ke tasik.

    BANGKOK: Siku lelaki penatai ari Jordan ngaku munuh anak lelaki iya ti beumur dua taun ngena chara nanchang 'mansa' ba kerita asur anak mit, sebedau ngejuka iya ke tasik.

    Nitihka ripotka dipansutka portal Agensi, Wael Nabil Salman Zureikat (saspek) ngaku ngereja ulih ti pemadu jaie nya pengudah belaya enggau bini iya ba sebuah palan ngelantang ati ti tebilang ba tisi pantai, di Pattaya.

    'Saspek' ditan polis Thailand di Airport Suvarnabhumi urung jam 3 lemai, sehari tu tadi.

    'Saspek' dipechaya deka mindah ari Thailand enggau pulai ke Jordan.

    Wael Nabil ditan pengudah bangkai siku anak mit ke dipechayaka temuai ditemu melepu enggau ditanchang ngena tali ba kerita asur anak mit semak jelatung Laem Bali, lemai kemari.

    Lebuh ke ditanya tasat, Wael Nabil ngaku munuh anak iya empu kena Hari Lima tu tadi.

    "Iya 'saspek' enda tan ati ketegal bini iya enggai kiruh tauka enda meruan enggau anak seduai iya. Iya suah agi ngibun anak seduai iya kediri.

    "Setiap kali 'saspek' mai baum ke pekara nya, bini iya nganu enggau ngejung ke seduai iya belaya," ku polis.

    Wael Nabil diatu direman kena bejalaika pengawa silik agi.

    Taja pia, portal Agensi nadai ngeripotka bini iya bisi ba Airport Terbang Suvarnabhumi lebuh iya ditan polis.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads