PUJI TUHAN: Siku orang tuai selamat, kerita labuh ke ai Sungai Krian - Berita Iban Online | Laman Web Berita Kitai

Header Ads

  • Baru Nyadi

    PUJI TUHAN: Siku orang tuai selamat, kerita labuh ke ai Sungai Krian

    PUJI TUAN: Raban bomba benung ngubat lelaki nya (mansa) diripotka bakal mimit aja ba palan penusah ke nyadi, pagi tadi.
    SARATOK: Siku lelaki orang tuai ngenggam semengat pengudah kerita ke ditepan iya labuh ke dalam sungai lebuh deka niki feri ba Sungai Krian, sehari tu tadi.
    Lebuh penusah nyadi, lelaki nya dikelala ngena nama Ali Ranggi, 66 taun, deriba kediri ari Sedi Nyabor deka ke Kuching.
    Ketuai Balai Bomba enggau Penyelamat Saratok, Nazry Mohamat, madahka bisi nerima ripot bekaul enggau penusah ke nyadi nya urung jam 7.30 pagi.
    Nangkan ke nya, seraban bomba berumban ngesah ke palan penusah ke nyadi ngambika ulih bejalaika operasyen nyelamat.
    "Penusah nya nyadi dipechayaka bepun ari lelaki nya (mansa) teindik ke 'pedal' minyak enggau ngejung ke kerita iya labuh sebedau feri datai ba penyangkai.
    "Tang taja pia, puji Tuhan, lelaki nya mujur mansut kediri ari kerita ke ditepan iya enggau dibantu staf feri," ku iya lebuh ke dirandau pengarang berita, sehari tu tadi.
    Ku iya, raban bomba mega bisi ngubat lelaki nya ti bakal mimit. 
    Pengudah nya minta dianjung ke pulai ke rumah.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads