Header Ads

  • Baru Nyadi

    Siku indu nguji munuh diri, enda tan ati dikemelika bakih sama 'kampus'

    Gambar pengias
    Gambar pengias.

    SABAH: Ketegal enda tan dikemelika pelajar ke sama kampus, siku indu nguji munuh diri enggau ngurik jari iya ngena perengka tajam ba sebuah kampus Institusi Pengajian Tinggi Awam (IPTA), di Kota Kinabalu kemari.

    Indu (mansa) beumur 19 taun, diripotka enda tan ati pengudah dikemelika bala bakih iya ketegal dipechayaka enda nembuka kereja beraban. 

    Pengudah mansa nyau enda tan agi dikemelika bala bakih, iya mutus ati enggau ngurik jari kiba iya ngena pengansah pinsil urung  jam 9 malam.

    Tang taja pia, nasit manah bisi beberapa bakih ke sama kampus enggau mansa bisi meda lebuh penusah nyadi lalu berumban nganjung iya Sepital Sabah (HWKKS) di Likas ngambika ulih diperubatka enggau silik agi.

    Ketuai Polis Pampang Kota Kinabalu, Asisten Komisioner Habibi Majinji, madahka kes nya agi dipansik, lebuh ke ditanya pengarang berita, sehari tu tadi.

    “Indu nya udah ngeleda enggau kes deka pansik silik enggau silik agi.

    “Kes dipansik ari baruh Seksyen 309 Kanun Keseksaan,” ku iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads