Siku indu ditangkap polis, dipechayaka nyamah siku anak mit 2 taun di Limbang - Berita Iban Online | Laman Web Berita Kitai

Header Ads

  • Baru Nyadi

    Siku indu ditangkap polis, dipechayaka nyamah siku anak mit 2 taun di Limbang

    SEPI ASAI NUAN: Polis ngiring indu nya (saspek) ke Kort Majistret Limbang.

    LIMBANG: Siku indu ditangkap polis pengudah dipechayaka nyamah anak mit beumur dua taun ke diibun iya, di Limbang, Sarawak, kemari.

    Nitihka penerang, indu (saspek), 20 taun, ditangkap polis pengudah bisi abi bakal ba tubuh anak mit ke diibun iya lebuh dipasukka ba Sepital Limbang ketegal luput, malam kemari.

    Penerang madah, polis benung ngiga laki indu nya ke dipechaya suah maluk anak menyadi nya (mansa).

    “Lebuh anak mit nya dipasukka ba Sepital Limbang urung jam 9 malam kemari, lutor ke meresa anak mit nya berasai enda nyamai ati pengudah meda bisi abi kembai ba tubuh anak mit nya.

    “Pengudah nya, lutor nya lalu ngaga ripot ke ngagai polis. Nangkan ke nya, polis nangkap indu nya ba Sepital Limbang kena bejalaika pengawa nasat enggau raban polis diatu benung ngiga siku agi 'saspek' ianya laki indu nya,” ku iya.

    Ku iya, asil tanya saut tumu, anak mit nya bakal ketegal tegelinchir ba tebing sungai enggau tepantup ba batu sebedau iya dianjung berubat ke Sepital Limbang.

    “Anak mit nya diatu udah dipindah ke Hospital Miri ngambika ulih diperubatka enggau silik agi,” kj iya.

    Ku iya, ibu kandung anak mit nya diatu benung diukum jil ketegal bekait enggau penyalah nguna dadah.

    “Kes nya agi dipansik ari baruh "Seksyen 31 (1) (a) Akta Kanak-Kanak 2001",” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads