Siku lelaki balat bakal, Hilux tepawah ba Jalai Ulu Lun pagi tadi
Cari Berita

Advertisement

Siku lelaki balat bakal, Hilux tepawah ba Jalai Ulu Lun pagi tadi

Staf @beritaibanMY
March 11, 2019

Rban bomba benung bejalaika operasyen mansutka 'mansa' ti diripotka mengkang ba dalam kerita nya.


SARATOK: Siku lelaki beumur 38 taun diripotka balat bakal pengudah kerita Hilux (4WD) ke ditepan iya enda ulih dijaga lalu ngejungka tepawah di Jalai Ulu Lun, urung penyauh tujuh kilometer ari pasar Saratok, seharitu tadi.
Sebedau eksiden nyadi, lelaki nya (mansa) enggau siku agi lelaki benung dirantau jalai ari Sri Aman nuju ke Roban urung jam 11.45 pagi. 
Ketuai Balai Bomba enggau Penyelamat Saratok, Nazry Mohamat, madahka raban bomba berumban ngesah ke palan eksiden ke nyadi ngambika ulih mansutka 'mansa' ti diripotka mengkang ba dalam kerita nya.
"Berindik ari eksiden nya, deriba nya (mansa) diripotka mengkang ba dalam kerita enggau patah kaki kiba, tang siku agi penumpang semina bakal mimit.
"Urung pengelama 26 minit raban bomba ngemansutka 'mansa' ti mengkang ba kerita nya," ku iya lebuh ke dirandau pengarang berita sehari tu tadi.
Seduai iya (mansa) udah dianjung ke Sepital Saratok ngambika ulih diperubatka enggau silik agi.