Header Ads

  • Baru Nyadi

    Siku lelaki bebadi nyawa, kerita ke ditepan iya tepawah lalu ngelantak kayu di Jalai Bintulu-Tanjung Kidurong

    KASIH AMAT: Pendiau kerita ke ditepan iya (mansa) pengudah eksiden di Jalai Bintulu-Kidurong, malam tadi.

    BINTULU: Siku lelaki bebadi nyawa pengudah kerita ke ditepan iya tepawah lalu ngelantak kayu di Jalai Bintulu-Tanjung Kidurong, urung jam 8.45 malam tadi. 

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka ke bebadi nyawa ba palan eksiden ke nyadi nya dikelala ngena nama Abu Bakar Yahya, 43 taun, penatai ari Kampung Assyakirin.

    "Lebuh eksiden nyadi, lelaki nya (mansa) benung dirantau jalai ari Tanjung Kidurong nuju ke Pasar Bintulu, sebedau iya tepawah ke sepiak kiba jali enggau ngelantak sebatang pun kayu ti besai ba tisi jalai nya," ku iya lebuh ke dirandau pengarang berita, sehari tu tadi.

    "Urung pengelama sejam, raban bomba bejalaika operasyen mansutka iya (mansa) ti mengkang ba tetengah endur penuduk deriba," ku iya.

    Nangkan ke nya, bangkai 'mansa' dianjung ke Rumah Bangkai Sepital Bintulu. 
    Kes nya dipansik ari baruh "Seksyen 41(1) Akta Pengangkutan Jalan 1987".

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads