Siku lelaki bebadi nyawa, pengudah eksiden di kilometer 36, Jalai Pesisir Pantai Bintulu - Miri
Cari Berita

Advertisement

Siku lelaki bebadi nyawa, pengudah eksiden di kilometer 36, Jalai Pesisir Pantai Bintulu - Miri

Staf @beritaibanMY
March 10, 2019

Pendiau lori pengudah eksiden enggau raban bomba benung bejalaika operasyen ba palan eksiden ke nyadi.

BINTULU: Siku lelaki bebadi nyawa pengudah van ke ditepan iya belantak enggau lori tanker ti sarat ngundan simen di kilometer 36, Jalai Pesisir Pantai Bintulu-Miri, urung jam 4 lemai, sehari tu tadi.

Lelaki nya (mansa), Ading Manggom, 47 taun, diripotka ngapuska seput kepenudi ba palan eksiden ke nyadi ketegal balat bakal ba pala enggau tubuh.

Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka eksiden nya nyadi lebuh lelaki nya (mansa) nguji ngelih entuka bukai. 

"Lebuh datai ba palan eksiden ke nyadi, seraban bomba dri Balai Bomba enggau Penyelamat Bintulu, benung nguji deka mansutka 'mansa' ti mengkang ba tetengah entuka," ku iya.
Raban bomba madahka sida iya ngena perengkaguna ti spesial enggau pengelama urung sejam  kena mansutka 'mansa' ari entuka nya.

Ku Alexson, pengudah 'mansa' mujur dipansutka ari entukar nya, raban paremedik ari Unit Ambulans Sepital Bintulu, ti bejalaika pengawa meresa enggau madahka 'mansa' udah enda ulih diselamatka agi tauka udah nadai.

Bangkai 'mansa' pengudah nya disuaka ngagai raban polis sebedau dianjung ke Rumah Bangkai Sepital Bintulu kena bejalaika pengawa buntas tasat.

Kes nya dipansik ari baruh "Seksyen 41(1) Akta Pengangkutan Jalan 1987".