Siku lelaki ditemu parai begitang ba sebuah rumah di Lot Sungai Plan, Jalai Tanjung Kidurong
Cari Berita

Advertisement

Siku lelaki ditemu parai begitang ba sebuah rumah di Lot Sungai Plan, Jalai Tanjung Kidurong

Frankie John™
March 22, 2019

KASIH AMAT: Raban polis benung meresa ba palan penusah ke nyadi.

BINTULU: Siku lelaki ditemu parai begitang ba sebuah rumah di Lot Sungai Plan, Jalai Tanjung Kidurong, urung jam 5.30 lemai kemari. 


Ketuai Polis Pampang Bintulu, Superintenden Zulkipli Suhaili, lebuh ke randau pengarang berita madahka, siku lelaki (mansa), beumur 37 taun, dipelabaka ngitang diri ba dalam bilik di rumah ke diuan iya. 

"Penusah nya tebantai pengudah bini iya enda ulih betalipaun ngagai mansa. Nangkan ke nya, bini mansa ngasuh menyadi lelaki (ipar mansa) iya ngabas mansa ke rumah," ku iya. 

"Lebuh ipar mansa ngabas mansa ke rumah nya, iya tekenyit pengudah meda mansa begitang ba tali ti ditanchang ba kipas siling bilik nya. 

Ku iya, Asil pansik tumu ba palan penusah ke nyadi, nadai bekau jamah enggau jenayah di temu ba palan penusah ke nyadi.

Bangkai mansa pengudah nya dianjung ke Rumah Bangkai Sepital Bintulu kena bejalaika pengawa buntas tasat.

Naka kediatu, kes nya ditukuka nyadi parai ngenyit.