Siku lelaki mabuk, tinduk ba rumah orang ke diserungkai iya - Berita Iban Online | Laman Web Berita Kitai

Header Ads

  • Baru Nyadi

    Siku lelaki mabuk, tinduk ba rumah orang ke diserungkai iya

    Gambar pengias.

    SIBU: Siku lelaki mabuk dipechayaka nyerungkai rumah orang ditangkap polis lebuh iya benung tinduk ba rumah ke sama, lemai kemari.

    Penusah nyadi urung jam 4.15 lemai ba sebuah rumah di Jalai Oya, siku indu tekenyit pengudah meda siku lelaki (saspek) ke enda dikelala benung tinduk ba rumah indai iya ti nadai orang ngibun. 

    Nintihka penerang, rumah indai indu nya puang tauka nadai orang ngibun.

    Nangkan ke nya, seraban polis datai ngesah ke palan penusah ke nyadi pengudah nerima ripot ari indu nya urung jam 5 lemai enggau mujur nangkap saspek, 44 taun, ti agi sebening pala tauka mabuk.

    Asil peresa indu nya ba rumah nya, indu nya madahka perengka guna ba dalam rumah mayuh udah rusak enggau manuk tupi iya mega diripotka lenyau.

    Polis pengudah nya mai saspek ke balai polis kena bejalaika pengawa nasat enggau silik agi.

    Tang taja pia, saspek ke udah ditan semalam ba lokap sebedau dijamin bala ke sebilik enggau iya pansut. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads