Header Ads

  • Baru Nyadi

    Siku lelaki parai kena timbak, ngasu semak Sungai Nai

    KASIH AMAT: Rantai Maling (mansa) diripotka bebadi nyawa pengudah kena timbak ba palan penusah ke nyadi.

    SIBU: Juluk ati dua bakih deka ngasu jani bebali nyadi tragedi, pengudah siku ari seduai iya kena timbak lebuh ngasu semak Sungai Nai, Daro, ditu, kena Hari Empat tu tadi. 

    Lebuh penusah nyadi urung jam 7.30 malam nya, siku lelaki (mansa) ke dikelala ngena nama Rantai Maling, 50 taun, diripotka bebadi nyawa ba palan penusah ke nyadi pengudah dipechayaka kena timbak bakih iya empu.


    Ketuai Polis Pampang Matu Daro, DSP Neil Beginda, madahka bisi nerima ripot bekaul enggau penusah ke nyadi. Raban Tasat Jenayah udah mujur nangkap siku lelaki, 60 taun ba sebuah rumah panjai urung jam 1 tengah hari, kena Hari Lima tu tadi.

    Ku iya, asil pansik tumu, mansa ditemu saspek (bakih mansa) parai pengudah kena timbak lebuh seduai iya ngasu ba kampung nya urung penyauh 400 meter ari Sungai Nai, Daro.

    "Lebuh datai ba palan penusah ke nyadi, mansa ditemu benung ningkap enggau bisi beberapa iti abi timbak ba tubuh iya," ku iya lebuh ke dirandau pengarang berita, sehari tu tadi.

    Ku iya, senapang ke dikena saspek enggau leka seterum diambi polis kena bejalaika pengawa nasat.

    Neil madah, saspek diatu udah ditan ba lokap Balai Polis Daro enggau deka direman kena bejalaika pengawa nasat.

    Bangkai mansa udah dianjung ke Sepital Daro enggau deka dibuntas tasat ba Sepital Sibu.

    'Kes nya agi dipansik ari baruh "Seksyen 304A Kanun Keseksaan" enggau "Seksyen 8 Akta Senjatapi 1960/Seksyen 37 Akta Senjata 1960"," tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads