Siku orang tuai bebadi nyawa, kena lantak lari di Kuching
Cari Berita

Advertisement

Siku orang tuai bebadi nyawa, kena lantak lari di Kuching

Frankie John™
March 29, 2019

KASIH AMAT: Orang tuai nya diripotka ngapuska seput kepenudi ba palan eksiden ke nyadi ketegal balat bakal ba pala.

KUCHING: Siku orang tuai bebadi nyawa pengudah kena lantak lari nyadi di Jalai Tun Jugah, di Kuching, pagi tadi.

Lebuh penusah nyadi urung jam 6.15 pagi tadi, siku orang tuai, ke dikelala ngena nama Chong Kui Hin, 67 tau , benung dirantau jalai nepan motosikal Honda C100 nuju ke Kuching Sentral, ditu.

Ketuai Opis Tasat enggau Penguasa Trafik Sarawak, Superintendan Alexson Naga Chabu, madahka lebuh datai ba palan eksiden ke nyadi, mansa kena lantak sebuah kerita BMW ari belakang.

Ku iya, mansa tepelanting ke tisi jalai sepiak kiba enggau diripotka ngapuska seput kepenudi ba palan eksiden ke nyadi ketegal balat bakal ba pala.

"Kerita ti dikena saspek ngelantak mansa mujur ditemu polis ba tisi Jalai Airport, semak Kuching Sentral tang saspek udah ngelarika dir.

"Kerita BMW ti kempik ba luan nya dibai ke Balai Trafik kena bejalaika pengawa nasat silik agi," ku iya.

Alexson ngelansa, raban polis diatu benung ngiga deriba kerita nya ti ngelarika diri pengudah ngelantak mansa.

“Kes itu masih dalam siasatan mengikut Seksyen 41 (1) Akta Pengangkutan Jalan 1987,” katanya.