Header Ads

  • Baru Nyadi

    Siku orang tuai bebadi nyawa, kena lantak Hilux di Jalai Kuching - Serian

    KASIH AMAT: Pendiau ke ditepan orang tuai (mansa) pengudah eksiden nyadi.

    KUCHING: Siku lelaki orang tuai bebadi nyawa pengudah kena lantak Hilux (4WD) ba Batu 20 Beratok, di Jalai Kuching - Serian urung jam 3.25 lemai, sehari tu tadi.

    Orang tuai nya (mansa) dikelala ngena nama David Basil Rito, 69 taun enggau penatai ari Rancangan Perumahan Rakyat (RPR) Batu Kawa.

    Ketuai Opis Tasat enggau Penguasa Trafik (JSPT) Sarawak, Superintenden Alexson Naga Chabu, madahka lebuh eksiden nyadi orang tuai nya (mansa) dipechayaka baru pansut ari simpang ngena sebuah motosikal.

    “Orang tuai nya dipechayaka baru pansut ari simpang Pekan Beratok nuju ke jalai besai (Jalai Kuching-Serian) enggau dilantak sebuah Hilux ke benung bejalai lurus ari Kuching nuju ke Serian.

    “Berindik ari eksiden nya, orang tuai nya diripotka ngapuska seput kepenudi ba palan eksiden ke nyadi ketegal balat bakal ba tubuh,” ku iya lebuh ke dirandau pengarang berita, sehari tu tadi.

    “Bangkai orang tuai nya udah dianjung ke Sepital Besai Sarawak (HUS) kena bejalaika pengawa buntas tasat,” ku Alexson.

    Kes nya dipansik ari baruh "Seksyen 41(1) Akta Pengangkutan Jalan 1987".

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads