Siku pelajar lelaki pom empat diripotka lemas ba Sungai Kampung Giam - Berita Iban Online | Laman Web Berita Kitai

Header Ads

  • Baru Nyadi

    Siku pelajar lelaki pom empat diripotka lemas ba Sungai Kampung Giam

    KASIH AMAT: Pelajar nya (gambar mit) diripot ngapuska seput kepenudi ba palan penusah ke nyadi ketegal lemas.

    KUCHING: Siku pelajar lelaki pom empat diripotka lemas lebuh mandi begulai enggau bakih iya ba Sungai Kampung Giam, di Jalai Puncak Borneo, Siburan, sehari tu tadi.

    Pelajar nya (mansa), Mohamad Fakhrul, 16 taun, diripotka ngapuska seput kepenudi ba palan penusah ke nyadi ketegal lemas.

    Pengari Opis Operasyen Bomba Sarawak, madahka sida iya bisi nerima ripot bekaul penusah ke nyadi urung jam 2.50 lemai tadi.

    "Raban bomba nerima kanggau ari bakih  'mansa' madahka iya udah lemas ba Sungai Kampung Giam, di Jalai Puncak Borneo, Siburan.

    Nangkan ke nya, seraban genturung pendiau ke nemu penusah ke nyadi, mega bisi mantu sereta besaup nyelam ba sungai urung penalam 10 kaki nya enggau mujur tetemuka pelajar nya.

    "Lebuh raban bomba datai ba palan penusah ke nyadi urung jam 3.20 lemai, ketuai operasyen ngeripotka pelajar nya (mansa) udah enda ngeleda," ku iya lebuh ke dirandau pengarang berita, sehari tu tadi.

    Bangkai pelajar nya udah disuaka raban polis kena bejalaika pengawa silik agi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads