#TEBARU: Siku da agi anak mit 7 taun diripotka udah nadai malam tu tadi
Cari Berita

Advertisement

#TEBARU: Siku da agi anak mit 7 taun diripotka udah nadai malam tu tadi

Staf @beritaibanMY
March 11, 2019

Berita ke dipansutka #beritaIbanMy, siku anak mit ke beumur 10 taun kena lantak siku lelaki ke dipechayaka mabuk lebuh mai kerita, pagi tadi.

KOTA BELUD: Siku ari dua 'mansa' ke bakal pengudah kena lantak siku lelaki ke dipechayaka mai kerita benung mabuk di Jalai Tempasuk 2, Kampung Tempasuk 2, Kota Belud, udah nadai malam tu tadi.

Maxryona Masdi, 7 taun, pelajar Taun Satu Sekolah Kebangsaan (SK) Tempasuk 2, ke bakal ba pala, diripotka ngapuska seput kepenudi lebuh diperubatka ba wad 'emergency' di Sepital Queen Elizabeth (QEH), urung jam 7 malam tadi.

Ketuai Polis Pampang Kota Belud, Superintendan Mohd Zaidi Abdullah, madahka menyadi Max Christty, 10 taun, diripotka udah nadai ketegal penusah eksiden ke sama, pagi tadi.

“Asil pansik tumu, semua anak mit nya (mansa) ianya anak bala orang ke deriba, 54 taun ke dipechayaka mabuk lebuh ngelantak sida tiga lebuh eksiden ke nyadi, pagi tadi.

“Polis ngelalau orang ke ngena media sosial badu mantaika gambar 'mansa' laban bebasaka bala ke sepintu bilik enggau niang ke agi sinu ati pengudah penusah ke enda disadang nyadi,” ku iya.

Mohd Zaidi madah, siku agi 'mansa', Michelle Marianne David, 14 taun, diripotka benung raya ketegal bakal ba pala.

Lebuh eksiden nyadi urung jam 6.45 pagi tadi, seduai dua menyadi enggau Michelle Marianne benung nganti bas laban deka nurun ke sekula sebedau kena lantak kerita Nissan Sentra.

Max Christty udah nadai ba palan eksiden ke nyadi tang dua agi 'mansa' balat bakal.