Header Ads

  • Baru Nyadi

    Tujuh lelaki ditan polis, nyabung manuk ba ladang kelapa sawit di Niah

    BA KELANG SABUNG: Empat 'saspek' benung duduk ba mija enggau manuk sabung (gambar mit) ke mujur dirampas polis.

    MIRI: Tujuh lelaki ditan polis lebuh benung chapuh besabung ke manuk ba ladang kelapa sawit di Niah, Miri, Hari Minggu tu tadi.

    Lebuh abis ngenyit ke dipejalaika seraban polis ari Opis Tasat Jenayah (JSJ) Pampang Miri udah mujur nangkap semua 'saspek' ti beumur antara 33 - 72 taun.

    Ketuai Polis Pampang Miri, Asisten Komisioner Lim Meng Seah, madah lebuh abis ngenyit dipejalaika, sida iya benung chapuh sereta rancak ngemataka manuk sabung benung bebintis.

    “Lebuh sida iya nemu polis bisi ngaga abis ngenyit kia, bisi sedeka ari sida iya bekesebar ngelarika diri.

    “Tang taja pia, polis udah mujur nangkap tujuh lelaki,” ku iya lebuh ke dirandau pengarang berita, kemari.

    Lim madah, polis mega mujur ngerampas dacin ke dipechayaka kena sida iya nimbang manuk sabung, dua iku manuk sabung idup, dua iku manuk sabung ti udah parai enggau sekepin papan ti dikena nulis tuie enggau pasang.

    “Semua sida iya (saspek) enggau barang ke dirampas nya dibai ke Balai Polis Miri kena bejalaika pengawa silik agi,” ku iya.

    Kes nya dipansik ari baruh "Seksyen 3(1) Langkah-Langkah Pencegahan dan Penganiayaan Terhadap Binatang 1962".

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads