VIRAL: Polis nangkap siku indu dipechayaka nyamah, numpu anak mit
Cari Berita

Advertisement

VIRAL: Polis nangkap siku indu dipechayaka nyamah, numpu anak mit

Frankie John™
March 28, 2019

KASIH AMAT: Anak mit (mansa) kena tumpu saspek ba palan penusah ke nyadi.

GOMBAK: Polis nangkap siku indu (indai orang) di Batu Caves, Gombak, urung jam 5 lemai tadi, laban deka ditasat bekaul enggau sebuah video nyamah siku anak mit (anak iya empu) ti viral ba media sosial, bepun ari lemai kemari. 



Nitihka penerang, penusah nya nyadi taun nyin kemari di Batu Caves, tang video nya viral bepun ari lemai kemari sebedau siku orang ngaga ripot polis.

Ketuai Opis Tasat Jenayah (JSJ) Selangor, Senior Asisten Komisioner Fadzil Ahmat, madahka video nya mandangka siku anak mit indu kena tumpu beberapa kali.

“Orang ti ngeripot nya mega bisi mantaika video lebuh anak mit nya kena tumpu siku indu sebedau iya ngaga ripot polis.

“Seraban polis ari JSJ Selangor nangkap saspek ba sebuah resturan semak Jalai Sungai Tua, Batu Caves. Siku indu (saspek) beumur 30 taun,” ku iya lebuh ke dirandau pengarang berita, sehari tu tadi.

Ku iya, asil pansik tumu, penusah nya nyadi dipechayaka ba apartment semak Taman Raintree, Batu Caves, ba taun 2018.

Sebedau nya, siku orang ti ngempu akaun Facebook mega bisi mention nama Polis Diraja Malaysia (PDRM), Kementerian Dalam Negeri (KDN) enggau Jabatan Kebajikan Masyarakat (JKM).

“Kes nya dipansik ari baruh Seksyen 31(1)(a) Akta Kanak-kanak enggau saspek deka direman kena bejalaika pengawa nasat silik agi,” ku iya.