Header Ads

  • Baru Nyadi

    16 pelajar bakal, kena lantak lori treler, Proton Preve polis di Kilometer 98, Jalai Sibu - Bintulu

    PUJI TUHAN: Nadai penusah bebadi nyawa diripotka ba palan eksiden ke nyadi.

    SIBU: Enam belas pelajar Sekula Sekondari (SMK) Ulu Balingian bakal pengudah van ke ditepan sida kena lantak lori treler enggau Proton Preve polis di Kilometer 98, Jalai Sibu-Bintulu, urung jam 1.30 tengah hari kemari.

    Empat ari pelajar nya dianjung berubat silik ke Sepital Sibu enggau dua ari pelajar nya dikelala ngena nama Steward Girry Anak Belunsin, 13 taun, patah kaki kiri enggau telih ba pala tang Agnes Siman Anak Selumin, 14 taun, diripotka patah punggung.

    Ketuai Opis Tasat enggau Penguasa Trafik Sarawak, Superintendan Alexson Naga Chabu, dokumen pengelala mansa kebukai enggau deriba van nya apin temu laban sida iya udah pulai ke rumah pengudah diperubatka ba pesakit luar di Klinik Selangau.

    Tang taja pia, Alex nadai madahka bekaul deriba enggau penumpang lori treler enggau deriba kerita Proton, bisi bakal tauka nadai nenama.

    Ku iya, eksiden nyadi lebuh van ke ditepan pelajar sekula benung dirantau jalai ari muak ke Bintulu bejalai lubah laban deka tama simpang enggau enda memukai kena lantak lori treler ari belakang.

    “Pemalat eksiden nya, van diirit lori treler ke mua enggau ngejung ke tama ke jalai ngelaban arus lalu belantak enggau kerita Proton Preve ti datai ari muak jalai ngelaban arus (Sibu),” ku iya.

    Alex ngelansa, asil pansik tumu, eksiden nyadi ba jalai lurud lebuh gaya hari manah.

    Kes nya dipansik ari baruh Seksyen 43(1) Akta Pengangkutan Jalan 1987.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads