Header Ads

  • Baru Nyadi

    3 kali kena pasung ba sebuah hotel di Kapit

    Gambar pengias

    SIBU: Siku pelajar sekula sekondari dipechayaka tiga kali udah kena pasung siku lelaki ba sebuah bilik hotel di Kapit, sebedau iya mujur ngelarika diri ari hotel nya, tumu pagi Hari Dua.

    Mansa beumur 17 taun berumban nuju ke Balai Polis Kapit enggau ngaga ripot polis pengudah iya mujur ngelarika diri ari hotel nya urung jam 3 pagi.

    Ketuai Polis Pampang Kapit, DSP Freddy Bian, madahka pengudah saspek nemu mansa udah ngelarika ari hotel nya, saspek nepan ekspres laban deka ke Sibu.

    "Berindik ari ripotka diterima, saspek beumur 27 taun, dikelala ngena nama Boy, mujur ditangkap raban polis lebuh iya nganti ba ekspres di Terminal Ekspres Sibu," ku iya lebuh ke dirandau pengarang berita.

    Ku iya, asil pansik tumu, mansa ke Kapit laban deka ngiga bakih indu iya, enggau maya nya mega mansa bekelala enggau saspek ba sebuah kedai makai di Kapit urung jam 2.30 lemai, Hari Minggu.

    Ku iya, saspek beambi ulih pengudah nemu mansa ukai orang Kapit.

    "Nangkan ke nya, saspek pura-pura tauka ngaga diri ngelala bakih ke digiga mansa enggau ulih mai mansa betemu enggau bakih iya nya," ku iya.

    Freddy ngelansa, saspek pengudah nya mai mansa bemalam ba sebuah hotel di Kapit.

    Ku iya, tang taja pia, urung jam 10 malam, saspek tama ke hotel nya enggau mai mansa beleman enggau iya.

    "Pengelama tiga hari seduai iya ba dalam bilik hotel, saspek udah masung mansa tiga kali.

    "Saspek mega ngemba munuh mansa enti nyema iya (mansa) madahka pekara nya ngagai orang bukai," ku iya.

    Tang Puji Tuhan, mansa mujur ngelarika diri lebuh saspek benung tinduk urung jam 3 pagi.

    Nitihka penerang, mansa, siku pelajar ari sebuah sekula sekondari di pampang Song.

    Kes dipansik ari baruh Seksyen 376 Kanun Keseksaan.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads