Bepuluh orang parai, beratus orang bakal, gereja enggau hotel kena bom
Cari Berita

Advertisement


Bepuluh orang parai, beratus orang bakal, gereja enggau hotel kena bom

Staf @beritaibanMY
April 21, 2019

KASIH AMAT: Salah sebuah gereja ti kena bom pagi tadi.

SRI LANKA: "Urung 42 orang ti megai pengarap kristian parai pengudah beberapa hotel enggau gereja kena bom lebuh nyambut Hari Easter, sehari tu tadi," ku pemesai polis madahka pengarang berita AFP.

Nitihka penerang, bom nya diletupka di tiga buah hotel rega mar (luxurious) enggau sebuah gereja mega nyadi tagit orang ti nadai adat nya.

Asil ripot tumu ke diterima Berita Iban Online, urung 42 orang parai, beratus orang bakal enggau penyampau orang ke bakal nya dipelabaka nambah.

"Siku parai pengudah bom meletup ba sebuah resturan di Hotel Cinnamon Grand Colombo semak endur rumah perdana menteri," ku supervisor hotel.

Keterubah sekali bom meletup nyadi ba Gereja St Anthony di Colombo enggau St Sebastion di Negombo.

Urung 160 orang ti megai pengarap kristian bakal lebuh bom meletup di St Anthony enggau semua sida ke bakal nya udah dianjung ke Sepital Nasional Colombo pagi tadi.

Sebedau nya, raban polis mega bisi nerima ripot madahka sebuah gereja di pasar Negombo enggau di Colombo mega bisi kena bom.

"Gereja kami kena bom. Datai meh kitu enggau nulung kami enti nyema bisi kaban belayan nuan ditu," nitihka ditulis ba Facebook page Gereja St Sebastian di Katuwapitiya di Negombo.