Kerita tama ke dalam parit, siku indu bebadi nyawa
Cari Berita

Advertisement

Kerita tama ke dalam parit, siku indu bebadi nyawa

Frankie John™
April 8, 2019

KASIH AMAT: Pendiau kerita ke ditepan mansa pengudah eksiden nyadi.

KOTA SAMARAHAN: Siku indu bebadi nyawa pengudah kerita ke ditepan iya enda ulih dijaga enggau ngejungka tepawah ke dalam parit ba Jalai Kampung Terasik, ditu, sehari tu tadi.

Pengari Operasyen Bomba Sarawak, madahka raban iya bisi nerima ripot bekaul enggau eksiden ke nyadi nya urung jam 1.15 lemai tadi.

Nangkan ke nya, seraban bomba ari BBP Kota Samarahan berumban ngesah ke palan eksiden ke nyadi ngambika ulih bejalaika operasyen nyelamat.

“Lebuh datai ba palan eksiden ke nyadi, komander operasyen ngeripotka sebuah kereta Hyundai benung rebah singit ba dalam parit.

“Asil peresa ba palan eksiden kenyadi, mansa ti enda ngeleda udah dipansutka orang mayuh ke bisi meda tauka mansak ba jalai nya, ku iya lebuh ke dirandau pengarang berita, sehari tu tadi. 

Pengari Operasyen ngelansa, bangkai mansa disuakka ngagai raban polis ngambika ulih bejalaika pengawa silik agi. 

“Operasyen nya tembu urung jam 2.45 lemai,” tandu iya.