Main 'Mobile Legend', siku lelaki putus tunjuk jari kena pantap ngena duku
Cari Berita

Advertisement

Main 'Mobile Legend', siku lelaki putus tunjuk jari kena pantap ngena duku

Chief Editor | Berita Iban MY
April 13, 2019

Gambar pengias.

SANDAKAN: Siku lelaki mantap tunjuk jari bakih betunggal indu iya pengudah main 'Mobile Legend' di Kampung Tinusa Dua, Hari Tiga tu tadi.

Lelaki nya (saspek) tauka betunggal indu bakih mansa, 30 taun, diau serumah enggau aki enggau betunggal indu iya, 18 taun.

Penusah nyadi urung jam 10.20 malam, saspek dipechayaka ringat enggau enda rindu meda mansa datai ke rumah iya.

Ketuai Polis Pampang Sandakan, Asisten Komisioner, Mohd Azhar Hamin, madahka penusah nyadi kena Hari Tiga tu tadi tang mansa ngaga ripot polis kemari.

Asil pansik tumu, mansa ngaku tama ke rumah bakih indu iya (betunggal saspek) laban deka main Mobile Legend segulai.

“Tang lebuh deka pulai, mansa ditan enggau ditanya saspek nama utai digaga seduai iya (mansa enggau bakih indu iya) ba rumah nya.

“Enda memukai, saspek lalu ngayun ke dulu nuju ke mansa enggau ngejung ke urat ba tunjuk jari manis enggau tunjuk tengah jari mansa sepiak kanan putus,” ku iya lebuh ke dirandau pengarang berita, sehari tu tadi.

Ku Mohd Azhar, tang taja pia, mansa mujur nyelamatka diri enggau beguai berubat di Sepital Duchess of Kent Sandakan.

Mansa diripotka udah operate nyambung baru urat jari ti putus enggau diatu iya udah berinsur manah,” ku iya.

Mohd Azhar ngelansa, raban polis diatu benung ngiga saspek.

Kes nya dipansik ari baruh Seksyen 324 Kanun Keseksaan.