Ngaga ripot kena rumpak pelesu, takut dianu bini alah bejudi
Cari Berita

Advertisement

Ngaga ripot kena rumpak pelesu, takut dianu bini alah bejudi

Staf @beritaibanMY
April 15, 2019

Gambar pengias.

SIBU: Siku lelaki kereja kunterik ditan polis pengudah ngaga ripot pelesu kenuku dirumpak dua lelaki ngena motosikal lebuh ngetu ba Bukit Tunggal Dunin, di Jalai Kanowit-Julau-Durin semak Jematan Durin, ditu.

Tang taja pia, ulah digaga lelaki nya tebantai lebuh raban polis bejalaika pengawa nasat tumu pengudah ripot ke digaga lelaki ti beumur 37 taun nya baka orang ti kakang ati.

Ketuai Polis Pampng Sibu, ACP Stanley Jonathan Ringgit, madahka lebuh pansik tumu, saspek madah penusah nyadi urung jam 9.30 malam, Hari Enam, lebuh iya dirantau jalai pulai ke rumah iya di Rumah Garing, Hulu Naman di Batu 22 ari Sibu Jaya. 

Ku iya, saspek madah dua lelaki ngena motosikal datai lebuh iya ngetu ba tisi jalai lebuh tayar kerita iya kurang angin.

Kenuku saspek, dua lelaki nya nulung iya ngejuka kerita nya enggau minta bayar mata duit RM2,000 ari iya. 

"Tang taja pia, asil pansik silik, saspek ngaku kebatang endar iya ukai kena rumpak tang alah bejudi RM2,000.

"Kebuah lelaki nya (saspek) ngaga ripot pelesu ketegal deka nyelamatka diri ari kena anu bini iya laban udah alah bejudi RM2,000," ku iya lebuh ke dirandau pengarang berita, sehari tu tadi.

"Saspek udah ditan polis kemari, Hari Minggu enggau kes nya dipansik ari baruh Seksyen 182 Kanun Keseksaan.