Niang Jackie, menyadi biak iya deka disengaie bebala mayuh di Rumah Jawi Sungai Gemuan
Cari Berita

Advertisement

Niang Jackie, menyadi biak iya deka disengaie bebala mayuh di Rumah Jawi Sungai Gemuan

Chief Editor | Berita Iban MY
April 16, 2019

SINU AMAT: Bangkai Jackie enggau menyadi biak iya Joseph deka disengaie bebala mayuh ba rumah sida iya di Rumahh Jawi Sungai Gemuan, Bintangor

SIBU: Enda berasai ai mata nerutu naya pengudah meda bangkai niang Lans Koperal Jackie Patan, 32 taun, enggau menyadi biak iya Joseph Patan, 20 taun, ke bebadi nyawa pengudah eksiden di Terengganu Hari Minggu (14 April 2019), datai di Terminal MASkargo Airport Sibu (LTS), lemai kemari.

Bangkai seduai dua menyadi nya datai ari Airport International Kuala Lumpur urung jam 6.05 lemai, dibaie pegawai Ibu Pejabat Polis Kontinjen (IPK) Terengganu enggau menyadi indu niang, Maria Patan.



Niang Jackie enggau menyadi biak iya Joseph deka disengaie bebala mayuh ba rumah sida iya di Rumah Jawi Sungai Gemuan, Bintangor, ditu.

Lungun niang enggau menyadi iya datai di Terminal MASkargo Airport Sibu, lemai kemari.

Jackie, 32 taun, diripotka ngapuska seput kepenudi ba palan eksiden ke nyadi pengudah kerita Hilux ke ditepan iya tepawah di KM 220 LPT, jalai muak ari Kuala Terengganu nuju ke Kuala Lumpur.

Tang menyadi iya, Joseph ngapuska seput kepenudi lebuh diperubatka ba Sepital Tengku Ampuan Afzan (HTAA).

Siku agi penumpang, Ketuai Seksyen K9 IPK Terengganu, Sarjan P Abimanan, 58 taun, diripotka semina bakal mimit aja enggau agi diperubatka ba sepital.


Dennis enggau Stanley mega bisi datai lebuh nyambut penatai lungun niang.

Ketuai Opis Tasat Jenayah (JSJ) Sarawak, SAC Denis Leong Soon Kuai  enggau Ketuai Polis Pampang Sibu ACP Stanley Jonathan Ringgit, mega bisi datai nyambut penatai lungun niang enggau menyadi iya.

"Eksiden dipechayaka nyadi lebuh mansa benung dirantau jalai ari nuju ke Kuala Lumpur enggau ngelantak jalai ti bisi ai betimbun enggau ngejungka kerita ke ditepan iya tepawah ke tisi jalai sepiak kiba," ku Ketuai Opis Tasat enggau Penguasa Trafik Pahang, Supt Kamarulzaman Jusoh lebuh ke dirandau pengarang berita, kemari.