OPS PERDANA: Siku lelaki terejun ke sungai ti bisi baya, takut diperesa polis
Cari Berita

Advertisement

OPS PERDANA: Siku lelaki terejun ke sungai ti bisi baya, takut diperesa polis

Chief Editor | Berita Iban MY
April 12, 2019

MACHAI LARI: Siku lelaki dipelabaka gian dadah mutus ati terejun ke sungai ti bisi baya ketegal takut kena peresa polis.

KOTA SAMARAHAN: Ketegal takut kena peresa polis, siku lelaki dipelabaka gian dadah mutus ati terejun ke sungai ti bisi baya lebuh operasyen dipejalaika di Kampung Asajaya, ditu kemari.

Sapit Direktor Agensi Anti Dadah Kebangsaan (AADK) Sarawak, Winnie Lugit, madahka lelaki ti terejun ke sungai nya salah siku ari 17 orang ti ditan lebuh operasyen ‘Ops Perdana’ dipejalaika kena 10 April di Asajaya, Sadong Jaya enggau Kota Samarahan.

Ku iya, semua sida ke ditan nya beumur 18 nyentuk ke 48 taun.

“Lebuh operasyen dipejalai, siku lelaki dipelabaka gian dadah mujur ngelarika diri, mutus ati terejun ke sungai enggau nadai nangika pengelikun diri iya empu.

Semua saspek benung diperesa ai kemi ba palan operasyen ‘Ops Perdana’.

“Tang taja pia, asil peresa ai kemi ba palan ‘Ops Perdana’, 12 ari 17 orang ti ditan diripotka positif dadah syabu,” ku iya lebuh ke dirandau pengarang berita, sehari tu tadi.

Nitihka penerang, raban polis diatu agi ngiga saspek ke terejun ke sungai nya.

Semua sida ke ditan nya dibaie ke Opis Besai AADK Sarawak kena bejalaika pengawa silik agi.