Header Ads

  • Baru Nyadi

    Orang tuai lenyau, mandi di Sungai Tepus

    DSP Jimmy Panyau

    MUKAH: Siku orang tuai, orang ari Rh Sylvester Bana diripotka lenyau lebuh nurun mandi di Sungai Tepus, Ulu Balingian, ditu, kilah ensana (Hari Satu).

    Ketuai Polis Pampang Mukah, DSP Jimmy Panyau, madahka orang tuai nya dikelala ngena nama Perau Anggar, 74 taun, diripotka nadai pulai ke rumah pengudah iya nurun mandi ba sungai nya urung jam 11 pagi, Hari Satu tu tadi.

    "Nangkan ke nya, bini orang tuai nya enggau genturung pendiau nguji ngiga orang tuai nya (mansa) lemai Hari Satu enggau ditandu Hari Dua, tang orang tuai nya pan apin temu," ku iya lebuh ke dirandau pengarang berita, sehari tu tadi.

    Nitihka penerang ke diterima kami raban polis, orang tuai nya suah mandi ba sungai nya enggau pulai ke rumah pengudah tembu mandi.

    "Taja pia, Hari Satu tu tadi orang tuai nya nurun mandi ke sungai tang nadai pulai ke rumah, ku iya.

    "Operasyen Ngiga enggau Nyelamat (SAR) deka ditandu baru pagila," tandu iya.

    Berita tu deka ditandu @beritaibanMY baru nganti udah bulih penerang ti silik ari opis ke megai tanggung pengawa.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads