Pulai meh nuan Magretha...
Cari Berita

Advertisement

Pulai meh nuan Magretha...

Chief Editor | Berita Iban MY
April 22, 2019

PULAI MEH NUAN KUMANG: Gambar pelajar indu ke diripotka lenyau kena Hari Tiga minggu nyin tadi.

SIBU: Siku pelajar indu sekula sekondari di Sibu diripotka lenyau pengudah nadai pulai ke rumah ke diuan iya di Sibu Jaya, kena Hari Tiga, 17 April 2019.

Ketuai Polis Pampang Sibu, ACP Stanley Jonathan Ringgit, madahka pelajar indu nya dikelala ngena nama Magretha Tara, 13 taun, ditemu indai iya lenyau urung jam 10.35 malam, Hari Tiga minggu nyin tadi.

“Pengelenyau pelajar tebantai lebuh indai iya pulai ke rumah, enggau pelajar nadai di rumah.

Laban ke irauka pengelikun, indai pelajar nya betanya ba bala bakih pelajar nya enggau madahka bisi tepedaka pelajar nya sesindau enggau bala bakih iya kebukai di flat perumahan Sibu Jaya.

“Ripot polis udah digaga tang nyentukka diatu pelajar nya pan apin temu,” ku iya lebuh ke dirandau pengarang berita, kemari.

Ku iya, indai pelajar nya mega bisi mansang ke sekula enda pelahar nya sekula enggau pengajar ba sekula nya madahka pelajar udah nadai nurun sekula kena Hari Dua, 16 April 2019.