RIP PKPgB Kaya Anak Bangkong
Cari Berita

Advertisement

RIP PKPgB Kaya Anak Bangkong

Chief Editor | Berita Iban MY
April 15, 2019

KASIH AMAT: Niang Kaya udah ninggalka bini (megai gambar iya) enggau 3 anak iya ti duduk berimbai sepiak kiba.
KUALA LUMPUR: Sehari tu tadi, hari kepenudi begulai enggau niang PKPgB Kaya Anak Bangkong, ti udah gawa pengelama 48 taun, kereja ba Unit Pengesan Jabatan Bomba dan Penyelamat Malaysia di Jalai Klang Lama, Kuala Lumpur.

Niang udah nadai urung jam 0031 di Sepital Universiti Malaya (PPUM), Petaling Jaya, Selangor ketegal bisi penanggul ba fungsi untak.  



YAS Dato' Hj. Amer bin Hj. Yusof, Yang Dipertua Persatuan Kebajikan Jabatan Bomba dan Penyelamat Malaysia bisi datai, meri bantu ngagai bini niang enggau meri tabi ba kepenudi ngagai niang PKPgB Kaya anak Bangkong di Balai Bomba dan Penyelamat KLIA.


YBhg. Dato' Sri Mohammad bin Mentek KSU KPKT, YAS Dato' Hj Amer bin Hj. Yusof, Pengarah-pengarah Bahagian, Pengarah Bomba Negeri dan Pegawai-pegawai Kanan JBPM mega bisi datai ngulu pengawa tabi basa kepenudi ngagai niang PKPgB Kaya Anak Bangkong.

Bangkai niang deka dibaie enggau disengaie bebabal mayuh di rumah bini iya di Kg. Bakalau Beaufort.

Kami ari @beritaibanMY ngenataika penyinu ati ngagai Mdm Jessica enggau 3 anak iya laban udah ditinggalka  orang ti pemadu dikesayauka iya niang Kaya Anak Bangkong.