Rumah panjai Uma Bawang di Sungai Asap angus
Cari Berita

Advertisement

Rumah panjai Uma Bawang di Sungai Asap angus

Staf @beritaibanMY
April 15, 2019

KASIH AMAT: Api benung nyelarai ba palan penusah angus ke nyadi. Ngarapka sida ke napi penguji tu ulih besabar.

BINTULU: Urung 30 pintu bilik ari dua blok rumah panjai di Uma Bawang di Skim Penempatan Semula Sungai Asap Belaga, semina tinggal gari ba tubuh pengudah rumah panjai ke diuan sida iya angus lengis diempa api, sehari tu tadi.

Ketuai Balai Bomba enggau Penyelamat Bintulu, Mohamad Meramit, madahka bisi nerima ripot bekaul enggau penusah ke nyadi urung jam 6.03 lemai tadi.

Nangkan ke nya, 11 raban bomba ngambi awak pengelama urung dua jam ari Bintulu nuju ke palan penusah ke nyadi.

"Raban kami nerima ripot dua blok rumah panjai nya angus enggau setiap blok nya diuan 15 pintu bilik," ku iya.

Ku iya, naka kediatu, kebuah penusah angus nyadi apin temu. 

Nitihka, raban bomba agi dirantau ke Sungai Asap enggau urung penyauh  230 kilometer ari pasar Bintulu. 

Berita tu deka ditandu @beritaibanMY, nganti udah bulih penerang ti silik ari Opis Bomba.