Header Ads

  • Baru Nyadi

    Siku anak mit, 5 taun, labuh ari tingkat dua di Tanjung Lobang

    KASIH AMAT: Mansa diripotka labuh ari tingkat dua.

    MIRI: Siku anak mit lelaki Orang Timpang Pendiau (OKU) parai pengudah labuh ari tingkat dua ba sebuah kuarters di Tanjung Lobang, kemari.

    Lebuh penusah nyadi urung jam 2.15 lemai, mansa, Muhammad Razzan Madhani Abdul Hamid, 5 taun, diripotka ngapuska seput kepenudi lebuh dirantau jalai nuju ke Sepital Miri ketegal balat bakal ba pala.

    Ketuai Polis Pampang Miri, Asisten Komisioner Lim Meng Seah, madahka mansa napi penyakit autisme non verbal.

    Ku iya, indai mansa nejuka iya kediri laban ke benung nusu ba bilik besai enggau indai iya belabuh baru ngereja pengawa ba dapur. 

    “Tang taja pia, lebuh datai ngabas baru, indai iya tekenyit enggau berasai kesal meda mansa nadai ba bilik besai enggau meda cheremin jendila telenga.

    “Nangkan ke nya, indai mansa belanda nuju jendila ti tebuka nya lalu meda ke baruh enggau tepedaka anak iya (mansa) udah tegali ba atas semin,” ku iya lebuh ke dirandau pengarang berita, sehari tu tadi.

    Ku iya, indai mansa lalu nganggauka ambulans ngambika ulih mai mansa ke sepital, tang mansa ngapuska seput kepenudi lebuh dirantau jalai nuju ke Sepital Miri ketegal balat bakal ba pala.

    “Asil pansik tumu, nadai bekau jenayah ditemu ba palan penusah ke nyadi enggau kes nya ditukuka nyadi parai ngenyit,” ku iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads