Siku indu terejun ke ai Batang Oya, ditemu lemas
Cari Berita

Advertisement

Siku indu terejun ke ai Batang Oya, ditemu lemas

Frankie John™
April 7, 2019

Gambar pengias.

DALAT: Siku indu diripotka lenyau pengudah terejun ke ai Batang Oya semak Kampung Baru Seberang ditemu lemas, sehari tu tadi.

Ketuai Polis Pampang Dalat, DSP Roslan Leman, madahka bangkai mansa dikelala ngena nama Ling Leh Chuo, 54 taun, ditemu jam 12.10 tengah hari tadi urung penyauh 20 meter ari endur indu nya dipeda terejun.

"Bangkai mansa udah dianjung ke Sepital Dalat kena bejalaika pengawa buntas tasat," ku iya lebuh ke dirandau pengarang berita, sehari tu tadi.

Ku iya, raban bomba bisi nerima ripot bekaul enggau penusah ke nyadi urung jam 11.14 pagi tadi.

Ku iya, orang ke ngeripot tauka saksi nya mega bisi ngaga ripot ba balai polis pengudah enda nemu bakani chara deka ngiga tauka nyelamat mansa.

Roslan ngelansa, asil pansik tumu mansa ke lemas nya bisi penanggul ba untak (mental) enggau diau segulai enggau bala diri sebilik.

"Nadai bekau jenayah ditemu ba palan penusah ke nyadi enggau kes nya agi dipansik,” tandu iya.